पूर्व मुक्त मार्गाचे छेडानगर, घाटकोपर ते आनंद नगर, ठाणे पर्यंत विस्तारीकरण करणे

प्रकल्पाची प्रमुख वैशिष्ट्ये

• प्रकल्पाची एकूण लांबी =13.90 कि.मी.
• मार्गिका = 6-मार्गिका (3+3 मार्गिका).
• स्पॅनची लांबी = 40 मीटर

• प्रकल्पाचे काम पूर्ण होण्याचा कालावधी : 48 महिने.
• दोष दायित्व कालावधी (DLP): 24 महिने.
• कंत्राटाची रक्कम: रु. 2682 कोटी

सद्य:स्थिती 

सध्या उपयुक्तता सेवांचे स्थलांतर (Utility Diversion) आणि Working pile, Pier, Pier cap आणि Segment कास्टिंग चे काम प्रगतीपथावर आहेत.

• भौतिक प्रगती : 17.63 %

• आर्थिक प्रगती : 17.09 %

प्रकल्पाचे नाव :- पूर्व मुक्त मार्गाचे छेडानगर, घाटकोपर ते आनंद नगर, ठाणे पर्यंत विस्तारीकरण करणे.

प्रकल्पाची माहिती :-

• मुंबई महानगर प्रदेश विकास प्राधिकरणाच्या दि. 05/03/2024 रोजी झालेल्या 156व्या बैठकीत पूर्व मुक्त मार्ग छेडानगर, घाटकोपर ते आनंद नगर, ठाणे या प्रकल्पाच्या प्रस्तावास व यास अपेक्षित रु. 3314.40 कोटी इतक्या अंदाजपत्रकीय रक्कमेस प्रशासकीय मान्यता देण्यात आली.
• सदर प्रकल्पाचे प्रस्तावित संरेखन हे विद्यमान पूर्व मुक्त मार्ग येथून पुढे रमाबाई/कामराज नगर परिसरातून प्रस्तावित असून पुढे घाटकोपर, विक्रोळी, कांजूरमार्ग, जेव्हीएलआर, ऐरोली व मुलुंड हे महत्त्वाचे जंक्शन ओलांडून ठाण्याजवळील आनंदनगर येथे संपते. नवघर उड्डाणपुलाजवळ 6+6 पदरी टोल प्लाझाची तरतूद, तसेच दक्षिणेकडे जाणाऱ्या वाहतुकीसाठी मुलुंड चेक नाका, ऐरोली जंक्शनजवळ व विक्रोळी जंक्शनजवळ 2 पदरी अप-डाउन रॅम्प प्रस्तावित आहेत.
• सदर उन्नत मार्गाचा शेवट आनंद नगर, ठाणे येथे होणार असून सदर मार्ग पुढे प्रस्तावित आनंद नगर ते साकेत उन्नत मार्गास मिळणार आहे.
• मे. नवयुगा इंजिनिअरिंग कंपनी लिमिटेडची कंत्राटदार म्हणून नियुक्ती दि. 18/12/2024 रोजी करण्यात आली आहे आणि मे. शेलाडिया असोसिएट्स इंक. आणि मे. एस.एम.ई.सी. इंटरनॅशनल प्रा. लि. यांची संयुक्त भागीदारीत प्रकल्प व्यवस्थापन सल्लागार (पीएमसी) म्हणून दि. 18/12/2024 रोजी नियुक्ती करण्यात आली आहे.
• सदर प्रकल्पासाठी पॉवर फायनान्स कॉर्पोरेशन लिमिटेड मार्फत वित्तपुरवठा करण्यात येत आहे.